ღღ ♥ ღ TaMeR LoVeRs & DeFeNdErS ღ ♥ ღღ
************Welcom to*************
ღღ ♥ ღ TaMeR LoVeRs & DeFeNdErS ღ ♥ ღღ
-----We hope that you log in our forum-----

ღღ ♥ ღ TaMeR LoVeRs & DeFeNdErS ღ ♥ ღღ

This forum is for any one love Tamer Hosny Here we will be Friends Brothers And Sisters and we will defend tamer from any bad thing and here you will find all the true news about Tamer (the star of generation)
 
HomeHome  CalendarCalendar  FAQFAQ  SearchSearch  MemberlistMemberlist  UsergroupsUsergroups  RegisterRegister  Log inLog in  

Share | 
 

 تامر حسنى يتكتم على انتمائاته السياسيه ورابطته ترد

View previous topic View next topic Go down 
AuthorMessage
RaNa SaaD
Excellent moderator & Tamer lover
Excellent moderator & Tamer lover


Posts : 2087
Join date : 2009-09-16
Age : 26

PostSubject: تامر حسنى يتكتم على انتمائاته السياسيه ورابطته ترد   Mon Feb 07, 2011 12:27 pm

طبعا كلنا شايفين اللى بيحصل فى البلد وفى الوطن العربى كله مش
البلد بس كلنا شايفين مصر قدامنا بتولع وكل اللى اتبنا بيتهد
بسبب جهل الناس

شايفينا لحكومه بتعمل ايه وشايفين الريس حصله ايه وشايفين
اهلنا واخواتنا وولادنا وبناتنا بيضيعوا بسبب اتجاهات سياسيه مالهومش دعوه بيها
شايفين ناس بتموت وكل ذنبهم انهم طلبوا حياه احسن

شايفين العيل الصغير اللى
ماسك سكينه بيدافع فيها عن اهله وياعالم بكره ممكن يمسكها علشان ايه لو ماتلحقش
الموقف والناس هديت بقى

شايفين امهاتنا واخواتنا مرعوبين فى بيوتهم خايفين
مش حاسين بـ الامان فى بيوتهم وبلدهم لاول مره من اكتر من ايام حرب 73 لحد دلوقتى


انا تليفونى بقاله اسبوع مابيبطلش رن شويه صحفيين شوويه ناس من الافرز
وشويه ناس من برا كل الناس من كل حته بيكلمونى واكيد بيكلونى انا وغيرى

بس
بحزن لما بلاقى صحفيين وناس المفروض انهم مصريين فى عز ما احنا بنموت وفى عز ما
احنا بنضحى بنفسنا علشان نحمى بيوتنا واهلنا الاقى واحد بيكلمنى وبيقولى

هو
تامر موقفه ايه من اللى بيحصل دة؟

هو فعلا تامر اخد اهله وهربوا برا
مصر؟

طب هو تامر مع ولا ضد الريس؟

طب اتجاه تامر السياسى ايه دلوقتى
؟

طب تامر مش هيقول حاجه زى عمرو؟

بزمتكوا مش مكسوفين من
نفسكوا؟

بلدكوا بتولع وبتتحرق وانتوا تقولولى تامر وعمرو ومنير

بدل
ما تنزلوا وتحموا نفسكوا وتحموا بلدكوا واهليكوا وبيوتكوا بتكلموا الناس علشان
تشوفوا الفنانين عملوا ايه فى اللى بيحصل؟

عايزين تعرفوا تامر رأيه ايه فى
اللى بيحصل دة؟

انا هقولكوا مش بس هقولكوا رأى تامر انا هقولكوا رأى شباب
مصر اللى فى سننا وفى سن تامر

انا طلعت من صغرى مالقيتش قدامى غير صوره
الرئيس حسنى مبارك متعلقه قدامى جنب علم مصر فى المدرسه

مابشوفش غيره فى
التى فى ماعرفتش رئيس غيره

ماحستش بـ الامان غير وانا فى عهده

الراجل
بيخدم البلد من قبل ما يمسك الرئاسه ولا نسيتوا حرب 73؟ نسيتوا الضربه الجويه اللى
كانت من اكبر الاسباب فى النصر

الراجل دة ماسك الحكم فى مصر بالضبط فى
14-10-81

بقاله اكتر من 30 سنه بيحكم البلد ديه بـ قبضه من حديد من قبل ما
انا اتولد ومن قبل ما شويه البلطجيه اللى بيخربوا البلد ديه ما
يتولدوا

بقالنا 30 سنه ماشوفناش طياره

بقالنا 30 سنه ماعرفناش شكل
الدبابه ديه غير فى الافلام وبس

بقالنا 30 سنه بنصحى الصبح نروح مدرستنا
وكلياتنا وشغلنا ونسيب اهالينا فى البيت واحنا مطمنين عليهم

بقالنا 30 سنه
مافكرناش ولو لـ لحظه ان احنا نخاف نسهر برا بيوتنا او حتى نمسك عصايه ندافع بيها
عن نفسنا

يجوز فى تجاوزات حصلت فى عهده ومش هقدر ابرر لان من اكتر الناس
اللى انضرت احنا الشباب

يجوز كان فى ناس حواليه بتفسد البلد وبتحط مصالحها
الشخصيه فوق مصالح البلد والشعب

بس برده هرجع واقول دة كبيرنا وقصاد اللى
حاصل هو وفرلنا امان وحمايه مش لاقينهم دلوقتى

دول احنا الشباب اللى طلعنا
يوم 25 نقول عايزين نغير النظام عايزين ننضف البلد وقومنا بـ ثوره اللى قال عنها كل
الناس انها غلبت ثوره 19

نزلنا واتظاهرنا بـ سلميه وقولنا لا للفساد ولا
للرشوه ولا للمحسوبيه

ونعم للعيشه الكريمه وللسلام ولفرص
العمل

طلبنا حقوقنا المشروعه وسواء رضينا او غصب عننا احنا طلبناها من ابونا
طلبناها من كبيرنا طلبناها من الراجل اللى طول عمره بيحمينا وماعرفناش قيمته غير
دلوقتى

شتمناه وهزقناه وجيبنا صوره وحرقناها وهو ماطلعش حتى قال كلمه كل
اللى قاله ان انا همشى وزى ما عيشت ودافعت عن البلد ديه انا مش همشى واسيبها غير
وهى واقفه على رجليها

مبارك صنع مع شباب مصر لحظه تاريخيه العالم كله مش
هينساها

بس هو قالها الاشخاص غير دائمين ولكن الوطن هو اللى فاضل وعنده
حق

انا كل دة مش بقوله علشان احاول احبب حد فى مبارك ولا حبا فى مبارك ولا
كره فيه انا بقول كدة علشان افكر الناس اللى بتولعها بس مبارك عمل ايه

بنحب
مبارك مش مهم

بنكره مبارك مش مهم

المهم دلوقتى بلدنا اللى بتضيع
نحاول ننقذها ونوقف المجرمين اللى بيخربوها بصرف النظر هما مين ولا تبع مين


عمرى ما انتظرت من فنان انه يطلع يقول اتجاهه السياسى

لان ببساطه
فى الاول وفى الاخر الفنان دة مصرى بطلوا بقى تفكروا انكوا تولعوا
الدنيا

انا لا سياسى ولا ليا فى السياسه ولا بحبها بس حبيت اقولكوا رأئى انا
ورأئى اغلبيه الشباب اللى ماعرفوش رئيس غير حسنى مبارك

بطلوا اشاعات بقى
وبطلوا تصدقوا نفسكوا بطلوا تكدبوا الكدبه وتصدقوها حرام عليكوا

تامر ودياب
ومنير وفؤاد وكل فنانين مصر ناو المفروض يطلعوا يغنوا يعملوا اغانى ويكلموا الناس
اللى بيحبوهم واللى بييثقوا فيهم ويوعوهم لان كلمتهم مصدر ثقه لـ ناس كتيره
اوى

يقولوا يعنى ايه مصر يفهموا الشباب اللى بتحبهم يعنى ايه مصر ويعنى ايه
امن وامان ويحاولوا يرجعوا ثقتهم فى البلد ديه من تانى علشان نعدىا لفتره اللى احنا
بنمر بيها ديه على خير

يطلعوا يفهموا الشباب ويتكلموا معاهم ويحاولوا ينقذوا
الناس اللى بتموت بسبب ان جماعات وانظمه بتضحك عليهم

انسوا بقى مسيحى ومسلم
واهلاوى وزملكاوى وتيمورى وديابى

فكروا فى بلدنا شويه وازاى نقدر ننقذها من
الموقف العصيب اللى هى بتمر بيه دلوقتى دة

وشيلوا تامر من دماغكوا شويه
والنبى بقى حرام الراجل لو جبل كان اتهد والله العظيم

مشيلينه مسئوليه جيل
ومسئوليه دين ومسئوليه جمهوره وكمان دلوقتى عايزين تشيلوه مسئوليه بلد وسياسه بجد
حرام

تامر زيه زينا بيدور على حياه افضل لكل الناس

مطالبه زي مطالب
ملايين الشباب فى مصر

لكن سواء تامر مؤيد او معارض لـ اللى بيحصل دة دلوقتى
هيفرق معاك ايه؟

هل لو تامر طلع وقال انا ضد الريس الريس هيمشى
يعنى؟
اكيد لا
ولو طلع قال انا بحب الريس ومعاه ومش عايزه يسيبنا الريس هيقعد
وهيسمع كلامه؟
اكيد لا
احب افكركوا ان تامر مصرى والله مش اسرائيلى مش معقوله
كميه الضغط الاعلامى اللى بيبقى عليه دة حتى فى احلك ظروف بيمر بيها البلد كلها
وبرده تامر مش ناسينه

وادى مكالمه من تامر اان عارف ان الكل شافها بس انا
بعملها شير تانى علشان عايز كل الناس تشوفها وكل الصحفيين وكل العالم العربى يشوفها
ويعرف

ان فنانين مصر مش عيال

ان فنانين مصر مش عملاء زى ما
بيقولو

ان فنانين مصر مش بيهربوا ولا بيخافوا على اسمهم

[You must be registered and logged in to see this link.]

وادى مكامله
من ساعه تقريبا لتامر فى برنامج مباشر مع عمرو اديب

تقديم الاستاذه الكبيره
رولا سعد

والاعلامى الكبير عمرو اديب

[You must be registered and logged in to see this link.]

تامر وكل واحد بيحب مصر مع الشباب دول وكلنا بنحبهم وبنأيدهم لان ببساطه
عملوا اللى اهالينا ماعرفوش يعملوه


احنا خلقنا عصر جديد هتعيشه مصر بس اهم
حاجه نمسك فى الى احنا عملناه دة ونحوله لـ نجاح ومانسيبش ناس تفرق
بيننا


احنا دلوقتى اصحاب القرار الشباب واحنا اللى هنقرر ايه المفيد لينا مش
هنخلى حد يقرر عننا


واكيد تامر وكل فنانين مصر وكل مواطن مصرى بيحب البلد
ديه هيبقى مع الثوره اللى حصلت


معلش سامحونى لو طولت او لو كان فى
كلامى عصبيه شويه بس فعلا انا دمى محروق من اللى بيحصل دة كله

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
Excellent moderator & Tamer lover


بعد الضغط على الرابط اضغط
Skip AD

للدخول لصفحه التحميل [You must be registered and logged in to see this image.]


ملحوظه : حتى تستطيع رؤيه الروابط والصور وتستطيع اضافه ردود يجب عليك التسجيل اولا
[You must be registered and logged in to see this link.]
Back to top Go down
View user profile
SaMeH TeMo
Admin


Posts : 391
Join date : 2009-09-09
Age : 24
Location : Cairo

PostSubject: Re: تامر حسنى يتكتم على انتمائاته السياسيه ورابطته ترد   Mon Feb 07, 2011 3:08 pm

دا مش راى تامر
دا اجتهاد شخصى مش اكتر













ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ملحوظه : حتى تستطيع رؤيه الروابط والصور وتستطيع اضافه ردود يجب عليك التسجيل اولا
[You must be registered and logged in to see this link.]





[You must be registered and logged in to see this image.]
SaMeH TeMo
Back to top Go down
View user profile http://WWW.tamerloversdefenders.ahlamontada.com
 
تامر حسنى يتكتم على انتمائاته السياسيه ورابطته ترد
View previous topic View next topic Back to top 
Page 1 of 1

Permissions in this forum:You cannot reply to topics in this forum
ღღ ♥ ღ TaMeR LoVeRs & DeFeNdErS ღ ♥ ღღ :: Tamer's world :: Tamer's news-
Jump to: