RaNa SaaD Excellent moderator & Tamer lover
Posts : 2087 Join date : 2009-09-16 Age : 34
| Subject: تونس+مصر- ايد وحدة Mon Apr 04, 2011 8:04 pm | |
| طول عمرنا هنا ايد واحده وفى عز ما كان العرب كلهم فى بينهم مشاكل كان تامر لافرز كلنا فيه ايد واحده مصريين وتوانسه ومغاربه وسعوديين وخليجين وكله
عمرنا ما فرقنا هنا بين مسلم ومسيحى وعمرنا ما فرقنا بين مصرى وتونسى او مصرى واى بلد تانيه كلنا هنا واحد ومتجمعين على حب فنان واحد بس هو تامر حسنى
اتفاجئت لما لاقيت فى ناس بتكلمنى بتقولى المصريين والتوانسه والماتش ومش عارف حصل ايه من جمهور الزمالك والمصريين وحاجات عجيبه كدة
مبدئيا انا مش شخص كروى خالص ومش ليا فى الكوره خالص بس انا مصرى وعربى
ومش هقدر اشوف العرب بيبعدوا عن بعض كدة بسبب سورى فى الكلمه لعبه مجرد لعبه نزلت ولا طلعت اسمها لعبه كره القدم
وواجبى انى اطلع واقول للناس لحد كدة وستوب احنا فى وقت محتاجين فيه العرب كلهم يتحدوا ويبقوا ايد واحده زى ما بنحلم من زمان
طول عمرنا بنحلم نبقى ايد واحده بس مش عارفين بسبب الحكام اللى ماكنوش بينفذوا مطالبنا بس احنا ناو اللى مستقبلنا بـ ايدينا
ثوره تونس ومصر وليبيا وفلسطين والجزاير وكل الحاجات ديه بتقربنا من حلم عربى واحد مش حلم مصرى ولا حلم جزائرى ولا حلم تونسى لا
حلم عربى كبير بنحلمه من الاف السنين وان احنا نبقى ايد واحده كـ عرب ونتحد اوعوا تسيبوا شويه عيال تضيع الحاجات الحلوه اللى عملناها الفتره اللى فاتت
السايت هنا رمز للوحده الوطنيه تحت اسم تامر حسنى وتامر لافرز
ماتسيبوش لعبه تفرق بيننا ولا تفرق بيننا كـ عرب احنا متجمعين هنا على حب تامر فى الله وعايزين نفضل على كدة
انا نص اصحابى اللى اعرفهم من السايت هنا توانسه ولحد النهارده الصبح كنت بتكلم معاهم وعمالين نهزر وبيطمنوا عليا اذا كان حصلى حاجه او كدة لو كنت حضرت الماتش
تامر من اول ما طلع وهو بيدعى للوحده الوطنيه من خلال اغانيه وحفلاته واكبر دليل على كدة محاولته انه يوصل لكل الجمهور بتاعه فى كل حته فى العالم العربى
عايزين نفضل كدة مش عايزين حد يفرقنا ابدا يا جماعه
عايزين كلنا مانسيبش تعبنا يضيع وكلنا نقول لا لاى حد بيحاول يضيع حلمنا ونقول لكل الناس احنا عرب وايد واحده
ايد واحده ضد اى حد يحاول يخش بيننا
ايد واحده ضد اى حد بيحاول يضيع حلمنا
ايد واحده ضد اى فساد فى اى حته فى بلادنا العربيه | |
|