RaNa SaaD
Excellent moderator & Tamer lover
Posts : 2087
Join date : 2009-09-16
Age : 34
 |  Subject: تهديد منتشر انهارده فى الفيس بوك كتير جد سنمنع تامر حسنى من دخول مصر مره اخرى وسنطالب باسقاط الجنسيه عنه لانه خائن  Sat Feb 04, 2012 11:36 pm | |
|
تهديد " سنمنع تامر حسنى من دخول مصر مره اخرى وسنطالب باسقاط الجنسيه عنه لانه خائن "
فعلا التهديد ده منتشر انهارده فى الفيس بوك كتير جدا
والسبب احياء تامر حسنى لحفله فى امريكا ضمن تور 2012 فى امريكا
وكأن تامر مثلا اتحالف مع اسرائيل ضد مصر ولازم نسقط الجنسيه عنه
لانه خائن للشهداء ودمهم وبلده وولاد بلده كأن تامر ده يهودى مش مصرى
اولا عايزه اوضح حاجه مهمه جدا يمكن تفهمكم اللى حصل مع تامر
تور امريكا تم التعاقد عليه فى اوائل يناير 2011 يعنى كان معادها بعد حفله هولندا
اللى حصل بعدها على طول ثوره 25 يناير وبعد معرفه تامر باللى بيحصل فى مصر
تامر رجع منها بطايره خاصه لان كان فى حظر جوى لخطوط شركات الطيران المصريه
طياره خاصه من هولندا لبلجيكا لمصر ورجع مصر وطلب تاجيل التور لحين استقرار الاوضاع
فى مصر ودفع شرط جزائى كبير جدا و اللى كان مكتوب فى العقود ان فى حاله الغاء او تاجيل الحفلات
بيتم دفع الشرط الجزائى وتامر اجل التور ده مرتين وفى حين الغاء او تاجيل التور مره اخرى
سيتم محاكمته لعدم الالتزام بالعقود اكثر من مره
وفى الغالب بيتم سجن المخل بشروط العقد " تامر "
مع دفع تعويض لتسببه فى خسائر ماديه للمتعاقد معاه
ده كل اللى حصل مع تامر والكل بيتكلم وبينتقد وبيهدد ولا فاهم اى حاجه
ولا حتى فكر يشوف ايه اللى حصل مع تامر .. لاء دوال شككوا فى وطنيته
وطالبوا باسقاط الجنسيه اللى هى مش من حق اى حد يسقطها اصلا .. ما بالكم لوالاسباب تافهه
تامر من اول الناس اللى بتقف جمب بلدها فى اى ازمه كلنا نقعد مع نفسنا ونفتكر
عمل قد ايه وبارضوا ماسلمش من الصحافه مهما يعمل وكلنا شاهدين على ده
حاجه تانيه كمان احنا بقالنا سنه فى الثوره والكل عارفه ان اى ثوره بيكون ليها
شهداء على عينا وعلى راسنا بس هما راحوا فى مكان احسن من اللى احنا فيه
قلوبنا كلنا بتتقع عليهم وبتوجعنا على اهلهم كل ما نشوفهم بس فى ادينا ايه نقدمه
ومش عملناه .. هل تامر لو لغى الحفلات كان حيفدهم بايه ؟؟
وانا متاكده وكلنا لازم تكون عندنا القناعه ديه
ان تامر بيغنى ووشه بيضحك بس قلبه بيبكى وحزين لانه مصرى
وبيعشق ترابها ومستعد يفديها بعمره يبقى ازاى خاين بقى !!!
امبارح كنت بتفرج على المشتركه المصريه كارمن فى برنامج Arab Idol
بعد ما غنت قالت انا كنت بغنى وقلبى بيبكى على بلدى رد فنان كبير زى راغب علامه
قاله :
" الفنان بيقدم رساله متزعليش وانتى بتغنى
احنا فى لبنان علمنا العالم ازاى يغنى رغم الالم والحزن والدمار والدم
20 سنه كنا بنغنى تحت الارض والقصف وشهداء بتسقط فوقنا
الحياه مش دايما بيضاء الفنان لازم يقدم رسالته للعالم ويستمر "
وعلى فكره شرين بتحيى حفل المسابقه انهارده وفى لبنان تفتكروا جمهورها عامل زيكم كده ؟؟
تفتكروا اتهموها بالخيانه تفتكروا جلدوها زى ما جلدتو تامر كده ؟؟
ولا تامر اللى مكتوب عليه الجلد طول عمره ؟؟
تامر حاول بقدر المستطاع انه يأجل التور لكن كان حيتعرض للمسأله القانونيه
وكان حيتحبس ده غير ان التذاكر كلها اتباعت
وبدل بقى ما تامر يكون صوره مشرفه لبلده هناك يبقى صوره وحشه
واللى بقى مش عاجبه كل الكلام ده يروح ويتحبس مكانه لو هو شايف نفسه وطنى اكتر من تامر
ورغم كل كلامكم ده :
تامر قدر انه يغنى ويبسط ناس بس وهو نفسيا مدمر وزعلان وحزين على مصر
قدر يخصص دخل الحفل لاهالى الشهداء والمصابين كلهم
انتوا بقى عملتوا ايه من وراه كلامكم على تامر سوء كانتوا انتوا ولا الصحافه
حد يقولى عملنا 1 2 3 وانا حسكت خالص بس لاسف محدش عمل حاجه غير الكلام وبس
سيبوا تامر فى حاجه متخلوش تامر شماعه لاخطاء الدنيا كلها
ياريت اللى بيحبه بجد يحط نفسه مكانه لو كان مكانه كان حيتصرف ازاى ؟
السؤال الي اتسال فوق للتيموريين الي بجد ومش لاي تيموري بيرغي
من شوية وكلنا شفنا الكلام الي على الفيس الي بيهز البدن وبيجنن الواحد
دا الي بيشتم فتامر ودا الي زعل منو ودا الي بيقول "تامر نزلت من عيني , انت مش راجل"!
طيب يلي بتقولو كدا متورونا براعتكو بقا وورونا ازاي حتحمو مصر!
بكلامكو دا بقا؟ ولا بعضلاتكو ولا بايه بس قولوللنا؟!
في كلام قالو زمان الشاعر "نزار قباني" ودلوقتي بجد اوانو وهو لكل الدول العربية!
"لقد لبسنا ثوب الحضارة ...والروح جاهلية!"
كل واحد حيفهم الجملة دي على زوقو ويقول دي تريقة علينا ومش عارفة ايه غير كدا!
احان العرب الي بتارخنا ومجدنا مشهورين والي كل الدنيا بتموت على حبة من ترابنا
شفنا حضارة الغرب وركضنا وراها ولبسناها وبقت كل دقيقة معانا ومحدش ينكر!
زينا نفسنا من برا وطورنا الا اننا خلينا ارواحنا ونفسنا من جوا جاهلة وملهاش لازمة!
مصر بتوقع وبتنهار وكل واحد بيعمل الي عليه علشان ينقذها حتى الي مش منها
الا انو للاسف البعض من ناسها بيهمهم دا عمل ايه ودا راح فين معيب بقا!
روح ساعد المصاب والمريض حاول تسعف اي حد نزل افكار جديد عشان تنقذ بلدك
وسيب تامر لشغلو ولحالو لانو بصوتو دا حيساعد اكتر من الف شخص اتصاب
حيساعد اكتر من الف عيلة اتحرمت من احد افردها وخصوصا الاباء!
يا ترى انت تقدر تساعدهم وانت قاعد بتشتم تامر وغيرو! اكيد لالا والف لا!
وبعدين قولولي يا جماعة مدام انتو في الاوضاع دي متابعين الفن للدرجة دي
ممكن تقولولي دلوقتي اغلب فنانين مصر تحديدا بيعملو ايه؟ قولولي بس!
قاعدين في البيوت! مظنش كدا خاالص ومستحيل! ومش على الارض اساسا
شيرين الي بتغني في ارب ايدل ناو وفيفي عبده الي بتتفسح فلبنان وغيرهم وغيرهم كتير
اشمعنى يعني تامر مش لقيتو غيرو؟ ولا خايفين عليه يلي بتسمو نفسوكو تيموريين!
الي بيكتب عنو كلام متدني لا بيحبو ولا هو تيموري اساسا ولا ليه علاقة بالدنيا!
طبيب في حاجة مهمة بقا جداا والي صاحيين قالوها وفكرو بيها شويتين:
"ليه تامر مش طلع وقال كلمة بفيديو ؟ كان لازم يوضح ليه حيعمل الحفلات؟"
انا مع الكلام دا واووووي كمان كان لازم تامر يعمل كدا اكييد ويطلع ويقول
"يا جماعة انا مضطر اعمل الحفلات دي بالرغم من حزني الشديد والياس الي فيا"
"بس للاسف الشرط الجزائي صعب جداا وحيكلفني كتير مش مهم الفلوس لا خالص"
"انما المرة دي فيها سجن ..ويااترى لو اتسجن تامر حتروحو لامريكا تخرجو!"
طيب الكل بيقول اه لازم كان يعمل كدا بس ليه مش طلع وعمل كدا!
تامر مطلعش وسجل فيديو ونزلو ووضح للناس لانو كان معتمد على ناس
معاه هو واثق فيهم للاسف الا انهم خانو الثقة دي وبيدمرو على الاخر
هو مكنش عاوز لا يخبي انو سافر ولا ان الفيديوهات بتاعت الحفلات تتحذف
هو كان عاوز انو ينزل توضيح من الناس دي ليه حيضطر يسافر
الا انو للاسف الناس ... دي خانت الثقة ومش وضحت حاجة وكذبت على الناس
وفي الاخر مبقتش بترد عليهم ولا بتعبر حد !
يبقى الغلط فيين دلوقتي وعلى مين؟!
احنا لما نزلنا توضيح وقولنا انو سافر الناس سالت وقولنا اه سافر مش خبينا
بس الي كان لازم ينزلو الخبر مش نزلو ومش عبرو وولعو فتامر
دول هما السبب فالي بيحصل لتامر دلوقتي , يا ريت يتحملو المسؤلية دي
ومن الاخر تامر لازم يتصرف معاهم ويبعدهم عنو لانهم بيدمرو على الاخر!
دا كل الي عندنا ودا هو التوضيح لكل الي حصل مع تامر
احنا كملتنا واحدة ومسؤلين عنها وتيموريين بجد وبنخاف على تامر
لما بيغلط بنقول انو بيغلط ولما بيكون صح بنوقف معاه ومع الحق
ويارب المشاكل تتحل فمصر وترجع الامور زي مكانت هادية وتمام
وربنا يرحم الشهداء ويصبر اهاليهم
| |
|
ღ TaMeR LoVeRs & DeFeNdErS ღ 
