tamer in kelmtna

Subject: tamer in kelmtna Sat Oct 30, 2010 4:50 pm

استضافت "مجلة كلمتنا" النجم "تامر حسني" في يوم متميز، ومختلف ليحتفل شبابها بالنجم الشاب لحصوله على جائزة أفضل فنان في إفريقيا.. ودي تفاصيل الزيارة الرائعة، واليوم الكلماوي الخطير مع "تامر حسني" حصريا فقط لكل قراء كلمتنا.

حضر الفنان "تامر حسني" في موعده وبرفقته أصدقائه، وكانت الأجواء مزدحمة في مقر المجلة بالكلماوية الذين قرروا تحضير عدة مفاجأت لتامر، وبمجرد دخوله إلى المجلة توالت المفاجأت، فقد تفاجيء "تامر" بالعدد الكبير المتواجد خصيصا له، رغم أننا لم نستطع أن نخبر جميع الكلماوية والـ fans، لعلمنا أننا سنتسبب في ازدحام شديد في المهندسين Very Happy

وبعد ذلك قام بقص شريط افتتاح برنامج "الكلام لك" بصفته أول وأهم نجم يتم تصويره في البرنامج.

وقام "تامر" بتقطيع التورتة المخصصة للإحتفال به مع رئيس مجلس الإدارة "منال المهدي"، ورئيس التحرير "نهال صلاح" وأصدقائه والكلماوية، ثم قامت رئيس مجلس الإدارة "منال المهدي"، ورئيس التحرير "نهال صلاح" بإهداء "تامر" درع الكلماوية، بالنيابة عن كل القائمين على المجلة، من شباب ومحررين، لتكريمه عن الجائزة التي حصل عليها، وهي "جائزة أفضل فنان في أفريقيا لعام 2010 "

وبعد كده بدأت قعدة كلماوية شبابية مختلفة جدا جدا جدا.. الصور بس هي اللي هتقدر تعبر عنها..

الكلماوية اتجمعوا كلهم، وقعدوا مع تامر وسألوه، وهو جاوب بمنتهى الصراحة.. مش بس كده، غنينا ولعبنا وضحكنا وهزرنا وفضلنا قاعدين معاه أكتر من 4 ساعات ومكناش عايزين الوقت يخلص، وهو كمان مكانش زهقان خالص، لأ ده كان منطلق وعلى طبيعته جدا، وحسينا انه واحد من الكلماوية اللي نعرفهم بقالنا كتيييييير، والقعدة دي غيرت وجهات نظر غلط كانت عند كتير من الشباب قبل ما يقعدوا معاه.

وفي القعدة الجامدة دي، قدمنا لتامر مواهبنا الكلماوية، وتألق الشاعر الكلماوي الموهوب "صابر كمال"، اللي أعجب بيه تامر جدا ووعده بإنه هيتعاون معاه ويساعدة وهياخد منه أغنية.. وكمان تألق المطرب الكلماوي "محمد حجازي" وتامر غنى معاه ووعده بإنه هيوزع له الأغنية اللي سمعها منه.. وكان فيه مواهب كتير جدا شافها وسمعها تامر حسني، وأكد إنه لازم يتعاون معاهم، وإنه هيعمل casting عشان ياخد مواهب في التمثيل والغناء في أعماله القادمة "شباب كلمتنا".

أنا نفسي "عمرواي"
لما اتسأل "تامر" عن "عمرو دياب" أكد للمرة المليون أنه من محبي "عمرو دياب" من زمان جدا، وقال إن مفيش داعي نصنف الجمهور لـ"تمراوي وعمرواي"، لأنه هو نفسه "عمرواي"، وتمنى إن الفنان "عمرو دياب" يتدخل لوقف الكلام ده، ويعرف الجمهور انه كلام مش صحيح، زي ما تامر بيعمل، لأن مفيش مشاكل بينهم خالص.

اتمسكوا بالفرصة اللي تيجي لكم، عشان مش هتيجي تاني
حكى لنا تامر عن حياته، وقال لنا هو اجتهد قد إيه عشان يوصل للمكانة اللي هو فيها دلوقتي، وانه لسه بيجتهد لحد وقتنا هذا، ومش بينام زي الناس، لإنه مبقاش ليه حياة خاصة، وبيحاول يفضل شغال في الـ 24 ساعة عشان يطور في نفسه، واتكلم معانا عن بداياته، وإنه تعب سنين كتير عشان يلاقي فرصة، وربنا كرمه ولقاها الحمد لله، وطلب من الشباب انهم "يتمسكوا بالفرصة اللي بتيجي لهم، لأنها مش هتيجي تاني".

وحكى لنا كمان عن فرحته بالنجاح اللي هو فيه، لأنه أكيد شرف لمصر، وقال بالنص"مصر ممكن تستحمل أكتر من فنان، طالما يقدروا يشرفوا بلدهم"، وطلب بعد كده من كل الشباب اللي موجود، ومن الجمهور بشكل عام إن "محدش يغلط في أي فنان، لإنهم كلهم بيمثلوا مصر، ولازم نقف مع أي مطرب مصري".

مش من حق حد يخليني أخبي فرحتي
بعد كده اتكلمنا مع "تامر" عن الجماهير الكبيرة اللي بنشوفها في الفيديوهات بتاعته، وآخرها الجماهير المغربية اللي وصلوا لأكتر من 400 ألف متفرج في حفلته هناك، وهو قال لنا " أنا من حقي أفرح، ومش من حق حد يخليني أخبي فرحتي، وأخبي نجاحي".. وسألنا بذكاء "يعني معقول أكون دافع فلوس لكل الناس دي كلها؟!!"

وطلب من الإعلام ومن الجمهور، أنهم طالما مصرين على المقارنة، يبقى يقارنوه بحد في سنه، ويكون بدأ المشوار معاه، مش يقارنوه بنجم ليه تاريخ كبير جدا، لأن ساعتها مش هيبقى فيه أي أساس للمقارنة.

ووسط الحوار تامر قال لنا انه في صوره وصلته على الموبايل فيها بنت فرنسية في المطار بتقلده، وماسكة بوستر كلمتنا اللي كان هو موجود عليه

ومن المواقف الطريفة اللي حصلت وقت الحوار، تجمع عدد كبير من الجيران أمام مقر المجلة عندما عرفوا بوجود "تامر حسني" بالداخل

[You must be registered and logged in to see this image.]

» mai ln tt5la 3n tamer
» PLZ vote le TAMER ya gama3a tamer met2a5ar awi
» New Song 4 Tamer Hosny From { Wa5edha Gad 2011 } Tamer Hosny - Tet3'ayar 2011
» Tamer in gym
» from tamer