كلاكيت تانى مره : عمرو مصطفى يتطاول على نجم الجيل تامر حسنى والعقاب قادم

عارفين يا جماعه مين هو اعظم انسان واعظم فنان فى العالم العربى كله لا العالم العربى ايه لا قصدى فى العالم كله؟

عارفين مين الانسان اللى ماحصلش؟

عارفين مين الانسان اللى احسن من عبد الحليم وام كلثوم؟

عارفين مين الملحن اللى لو كان عبد الوهاب وقف قدامه كان هيمسحه من على وجه الارض؟

عارفين مين هو اول فنان عربى يوصل للعالميه؟

عارفين مين اعظم ملحن ومغنى جيه فى تاريخ البشريه كلها؟

طبعا كلكوا هتقولولى تامر حسنى كالعاده

لا يا حضرات مش تامر تامر حسنى دة مين دة؟

مين تامر حسنى وعمرو دياب ومحمد منير وفؤاد وكل الناس اللى مالهاش لزمه ديه

لا يا جماعه الكلام اللى قولته دة كله ينطبق على شخص واحد بس

عمرو مصطفى

اه عمرو مصطفى مستغربين ليه؟

بس الكلام دة كله مش من وجهه نظرى انا طبعا ولا منوجهه نظر انسان عاقل وسميع

دة من وجهه نظر شخص واحد بس

هو عمرو مصطفى

الناس المغروره انا اعرف ان هى لما بتطلع على التى فى مش بتبين دة علشان شكلها قدام الاعلام

لكن عمرى ما شوفت انسان مغرور بيطلع يقول على نفسه انا مغرور وانا وانا وانا

حلقه جديده من حلقات عمرو مصطفى مع الاستاذه الاعلاميه الكبيره والعظيمه وفاء الكيلانى فى برنامج بدون رقابه

طبعا بعد ما جابتله شويه من الاغانى اللى الاستاذ سارق لحنها واللى حاول يبرر مواقفه فيها على انه يرمى الغلط على عمرو دياب والفنانين اللى غنوها دة على اساس ان هى الحانهم يعنى مش الحانه

بس كل دة عادى ما علينا مش مشكلتنا المشكله الحقيقيه بقى هى لما جيه اسم تامر فى الموضوع فجاه لاقيته اتقلب مليون درجه

اول حاجه عايز اسألهالك يا عمرو معلش انا اسف اصل انا مش متابع تامر اوى معلش هو تامر طلع اعتذر فين على الاغانى الاباحيه على حد قولك؟

انت بتقول اى كلام وخلاص؟ هاتلى فيديو لتامر بيقول فيه يا جماعه انا اسف علشان الاغانى المنحله والمخله والاباحيه اللى كنت بعملها

وتفتكر لو فى اغنيه واحده تامر عملها فيها الكلام اللى انت بتقوله دة هو كان غناها اساسا؟

يعنى تامر طلع اعتذر فى التليفزيون والشعب المصرى والعربى كله كان ساعتها بيتفرج على قناه سبيس تون مثلا فـ محدش شاف اللقاء غيرك؟

انا عايز اعرف حاجه بس معلش هو دلوقتى يا جماعه مقياس نجاح وجماهريه الفنان بتتقاس لـ الفيس بوك ولا بـ الحفلات والمبيعات وحب الناس ؟

ماهى يابنى لو بتتقاس بـ بيدجات الفيس بوك يبقى انت هتخسر كتير اوى اوى اوى يا عمرو

هقولك حاجه معلش هناخدها واحده واحده وهنزل لمستوى تفكيرك المريض وارد عليك فى النقطه ديه

الاوفيشيال بيدج بتاعتك ديه اتعملت فى اوائل سنه 2008

من سنه 2008 لحد خلاص احنا داخلين على 2011 ناو يعنى داخلين فى 3 سنين ناو اهوه البيدج بتاعتك كان 216 الف واحد تمام نجاح كبير ماشاء الله

بس نخلى بالنا من حاجه 216 الف وانت بتشرف عليها بنفسك مديها باور وميديا وداتا وفلوس وكل حاجه تقدر تنجح اى بيدج لاى فنان وكل لما تطلع فى برنامج تتكلم عنها كويس تمام مفيش مشاكل

نيجى بقى لـ البيدج بتاعت تامر اللى انت اتكلمت عنها اللى هى بتاعتى وتحت ادارتى انا وتيم وورك تامر حسنى

اولا تامر عمره ما بيخش على الفيس لانه ببساطه مش فاضى علشان كدة احنا المسئولين عن البيدج ديه وبنوصله كل حاجه فيها اول بأول زى ما الناس كلها عارفه

البيدج ديه اتعملت من اول السنه ديه يعنى داخله دلوقتى فى سنه مابقتش اوفيشيال غير من 3 شهور بس ويمكن اقل كمان

فى خلال الفتره القصيره ديه البيدج وصلت لـ 150 الف واحد مع العلم ان كل دة بدون ما تامر يتكلم عنها او يخشها او يديها اى نوع من انواع الدعايا

يعنى ببساطه بـ مقارنه بسيطه فى عقل طفل صغير يعرف ان البيدج بتاعتك قدام كل اللى انت بتعمله علشانها دة ولا حاجه قدام البيدج بتاعت تامر

ديه بالنسبه لحكايه الصفحات والفيس بوك اللى مش عارف بجد انت بتفكر ازاى فيه يعنى

اانا يابنى نفسى اشوفلك حفله حضرها 5 الاف شخص حفلات تامر بتوصل الحاضرين فيها لـ 200 الف واحد و ربع مليون كمان

انت اكتر حفله عملتها كان فيها 50 الف واحد وكانت حفله دياب كمان مش حفلتك يعنى الناس جايه علشان الاسطوره عمرو دياب

وانت طلعت كدة مجرد كومبارس عمرو دياب بيحاول يكبره لانه بيعتبرك صاحبه فـ نفسه الناس تحبك فـ بيطلعك شفقه وعطف اساسا

كلمه بقى استفزتنى اوى

محمد سعد لو طلع غنى فى حفله فى قرطاج هيجيب 200 الف

معلش انا اسف يعنى عايز افهم حاجه

تقصد فى الكلمه ديه ان شعب تونس مابيسمعش او محدش فيهم بيفهم ولا تقصد ان العالم العربى ماعندوش حث فنى عالى؟

اصل تبقى مصيبه لو دماغك راحت لدرجه انك تتكلم على شعب زى شعب تونس يا حبيبى وتبقى مصيبتك مصيبتين لو بتقصد بـ قرطاج تعميم على العالم العربى كله لان ساعتها تبقى اتجننت رسمى يا عمرو بجد سبحان الله عليك يعنى

حتت الجوايز بقى

يعنى ايه الجمله ديه

انا مابعترفش غير بـ جايزيتين الجرامى والاوسكار؟

معلش انا اسف يا جماعه بس اصل الجمله ديه استفزتنى اوى ونفسى اقوله كلمه بس

انت اهبل ياض؟

يعنى ايه الجوايز ديه بتتاخد بـ العلاقات

يعنى تامر اخد الجوايز علاقات؟

وعمرو دياب يوم ما اخد الميوزيك اوورد اخدها بالعلاقات مش بـ فنه؟

ويوم ما دياب وتامر راحوا اتكرموا فى الافريكان ميوزيك اوورد كانت علاقات؟

على كدة تامر صاحب جيرمين جاكسون اوى بقى وكل يوم على القهوه مع بعض علشان كدة اضاف لـ الجايزه ديه مش كدة؟

انا مش هرد عليك فى الحوار دة لان حوار اتفه من انى ارد عليك والسايت دة وكل الافرز يشهدوا السهر اللى كنا بنسهره علشان تامي كسب الفوتينج فى كل التصويتات مش التصويت دة بس

والفيديوهات تبين حب الناس هناك ليه وكلام مؤسس الجايزه وكل الناس الحاضرين اللى كانوا هناك يا عمرو بجد عيب عليك الكلام دة

عيب لما يوصل بيك غرورك لـ انك تحاول تهد نجاح ناس ناجحين زى تامر ودياب ومنير وفؤاد واليسا ونانسى وكل الناس اللى بتاخد الجوايز اللى انت بتقول عليها وهم ديه

بالنسبه بقى لـ حبه اللطافه بتاعت مانكى اوف جينيريشن والبنانا ميوزيك اوورد ديه بجد سمج ياض ومابتعرفش تضحك الناس

وبالنسبه لـ البنانا خليهالك

عمرو

والله انا من اكتر الناس المعجبه بـ بعض الحانك مش كلها لان اغلبيتها مسروقه طبعا انت عارف بس فى كام حاجه كدة مش مسروقين بحبهم ليك اوى

السنه اللى فاتت انا كلمتك كذا مره ودار بيننا حديث مطول عن المشاكل القديمه وانت للاسف ماكنتش بتقدر ترد عليا لدرجه انك كنت بتشتم فى بعض الاوقات

ماتحاولش توصل لـ حد انت مش اده تامر وصل لـ مكانه كبيره اوى وبقى اكبر من ان واحد زيك يقدر يأثر على نجاحه

ومادام النجاح بيتقاس بـ الجروبات والبيدجات والكلام الاهبل دة من وجهه نظرك يبقى استنى منى مفاجاه حلوه اوى خلال الفتره الجايه ديه على البيدج بتاعتك

بس احنا عندنا البيدجات والكلام دة كله مكملات نجاح مش اكتر مجرد واجهه قدام العالم لتامر حسنى بنكمل بس نجاحه بس مش هى سبب نجاحه

احنا اقنعنا تامر بالعافيه ان يبقى ليه اوفيشيال بيدج لان ديه حاجه مابقاش ينفع تتأجل اكتر من كدة مجرد شكل او وسيله نوصل بيها تامر لكل الناس فى كل العالم اكتر واكتر

لو عايز تقيس نجاح بجد هات مبيعاتك وهات مبيعاتنا

هات شغلك وهات شغلنا

هات حفلاتك (اذا كان فى اساسا يعنى )وهات حفلات تامر

صدقنى يا عمرو انت عامل زى الطفل الصغير اللى مش قادر يوقع الراجل الكبير فـ بيحاول يغيظه او يضايقه لان مفيش فى ايده حاجه اكتر من كدة يعملها

حاول تكبر شويه وتعقل وتبقى زى صاحبك عمرو دياب اول مره فى حياتى اشوف حد بيتكلم على صاحبه بالطريقه ديه

عمرو دياب عمره ما طلع واتكلم عن حد وحش ولا حتى حلو الراجل فى حاله بيشتغل وبيحاول يبسط جمهوره وتامر نفس الحوار

ما تعمل زيه يا اخى وتخليك فى حالك وتسيب تامر فى حاله هيحصلك ايه؟

ولا انت علشان بقالك فتره محدش بيعبرك حبيت تعمل شو لنفسك؟

طب قولى يا عمرو لو عايز تتشهر قولنا يا حبيبى واحنا نشهرك والله العظيم نشهرك

تامر من اول يوم طلع فيه كان معتمد على نفسه معتمد على موهبته ومزيكته وشغله وصوته وقبل كل دة على ربنا سبحانه وتعالى

ماستغلش نجاح ناس تانيه علشان هو ينجح بالعكس دة ناس تانيه هى اللى كانت بتحاول تستغل نجاحه علشان تشب على كتافه وتوصل

لكن انت ماعندكش موهبه ولا جمهور فـ اخترت ان انت تقرب من عمرو دياب وسميره سعيد والفنانين الكبار دول علشان تقدر ان انت يبقى ليك اسم على حسابهم

فاكر ساعت لما دياب طلع وقال على صوتك وحش وانت قاطعته وحصلت بينكوا مشاكل؟ ساعتها ماكنش ليك جمهور تقريبا لان انت معتمد على جمهور دياب وسميره سعيد

معتمد على الفانز بتوعهم فى كل حاجه لكن احنا لا احنا فانز تامر وكل العالم عارف بينا وكل الناس عارفه مين هما فانز تامر

وقولتهالك قبل كدة يا عمرو لو عندك الجرأه الكافيه انك تواجه اى حد فينا وتحاول تبرر موقفك احنا ماعندناش مانع

بس للاسف انت اجبن من انك تقدر تقف قدام حد مننا

عمال تقول اغانى جنسيه ومش جنسيه وان انت عملت الكبير كبير بـ كلام بسيط مافيهوش اى ايحاءات طب ما تامر كل اغانيه كدة يعنى انت اللى بتقلده ونفسك تنجح نص النجاح اللى هو نجحه فى المنطقه ديه بس دة مش هيحصل لان تامر بيغنى من قلبه لكن انت بتغنى من عقلك

اغنيه عين شمس نفسى تطلع تقولى ايه الايحاءات اللى فيها يا عمرو؟ اهو اغنيه بدون اى حاجه وفى نفس الوقت كلام بسيط وكلام لذيذ وشبهنا وشبه طريقتنا وناجحه نجاح فوق الوصل نجاح ماحققتوش انت فى البوم كامل

بجد انت صعبان عليا اوى يا عمرو

ماتحاولش يابنى تهدم من تامر لان انت عمرك ما هتقدر تهز شعره من راسه لان ببساطه تامر مش فاضى لـ الكلام دة

تامر نجم الجيل واسطوره القرن وملك افريقيا ديه مش القاب ديه حقيقه ديه واقع احنا وانت عايشين فيه مش مجرد القاب وخلاص

وطول ما احنا وراه هيفضل تامر هو تامر حسنى البرج العالى الحصين اللى عمر ما واحد زيك يقدر يلمسه حتى بـ ايديه مهما عمل

وطول ما هو مابيغضبش ربنا وبيطيعه وبيعمل بـ كلامه هيفضل ربنا مباركله فى صحته وينجحه اكتر واكتر وانت تنزل اكتر واكتر

تامر عمره ما عمل حاجه وحشه علشان كدة ربنا بيباركله وبيحبه وبيديله على اد نيته

لكن انت قلبك الوحش دة وكرهك لنجاح غيرك هو اللى بيوقعك كل شويه وهو برده اللى هيفضل يوقعك لحد ما تنتهى

بجد انا حزين على ان فى واحد مصرى عربى بالشكل اللى انت فيه دة

تامر

احنا وراك ماتخفش

ماتفكرش فى كل الكلام دة لان احنا هنا موجودين علشان نرد عنك

ركز فى شغلك والبوم وفيلمك والمسلسل الجديد وركز فى المواهب اللى انت بتكتشفها كل يوم

وانت اهوه لسه راجع من الحج ويارب تكون داعتلنا هناك

بنحبك يا تامر وهنفضل وراك على طول ومايهمكش من اى حد يتكلم عنك

منقول

Posts : 1 Join date : 2010-11-14

bgd ento fans gamdeen awi w rabna y5aleko le tamer w y5ali tamer lena w yshfi 3mr mostafa ana batmna en tamer w 3mr ykono shafo el kalam el gameel da ele tale3 mn 2alb kol temory

» الداعيــة مصطفى حسنى ( تامر حسنى ) اعز اصدقائى
» سبب هجوم عمرو مصطفى على تامر حسنى
» عمرو مصطفى يبدأ هجوما جديدا على كلا من تامر حسنى وابو الليف
» وائل عصام بين عمرو مصطفى وتامر حسنى
» عمرو مصطفى يصالح الفنان تامر حسني في عزاء والده