تامر حسنى : ايد واحده مع تونس (جامد يا تامر)+(ما كفايه يا تامر بقى )

اقتباس:
بيقولك قال ايه تامر حسنى نزل اغنيه اسمها ايد واحده قال ايه علشان حادث اسكندريه ياعم عاملى فيها وطنى سعادته
لا والجديد بقى ياعم الباش مهندس النهارده لسه منزل اغنيه علشان اللى حصل فى تونس ماله هو ومال تونس واسكندريه ما يخليه فى نفسه بقى شويه
ياعم هو مطرب سيس اساسا انا مش بطيقه ياجدع وربنا وعاملى فيها حامى حما الديار وهو ولا فاهم حاجه وربنا
ياعم كبر اى كلام فى دماغ علام دة هربان من الجيش يابا المفروض بقى يتكسف على دمه ومايعملناش فيها وطنى

هو دة الديالوج اللى هنسمعه فى كل حته لمده شهر قدام مثلا اه والله مش بهزر انا بتكلم بجد

دة الكلام اللى هنسمعه فى الجامعه والمدرسه وسط الامتحانات

فى الميترو وانت راكبه هتلاقى واحد و واحده بيقولوا نفس الكلام

فى الشارع وانت ماشى فى عيلين ماسكين موبايل هيقولوا الكلام دة

وانت نازل تشترى اكل برده هتسمع الكاشير بيكلم حد بيقوله كدة

وانت بتلعب كوره وبتريح بين الشوطين هتلاقى الجون وواحد من الدفاع بيتكلموا وبيقولوا كدة

هتقولولى يا لوكا انت بتكبر الموضوع وبتقول كلام وخلاص وبتسبق الاحداث حرام عليك هتولع الدنيا هقولكوا لا انا ولا بسبق احداث ولا بقول اى كلام

دة اللى هيحصل الفتره الجايه ببساطه لان مفيش حد مصدق اللى تامر بيعمله ولا حتى انا مصدق اللى بيحصل ده

ساعت حادث اسكندريه تامر حاول بكل ما يمكن انه يوصل مساعدات لـ اهالى الضحايا وانه يعملهم ولو اغنيه يروح العائد بتاعها من الدعايا ليهم ودة اللى حصل

فى الوقت اللى كان تامر قاعد فيه فى الستوديو بيعمل اغنيه وبيجمع اكبر عازفى وموزعين الوطن العربى علشان يعملوا معاه الاغنيه

كان فى واحد تانى داخل على صفحته على الفيس بوك بيقول هالو ماى فانز

فى عز ما كان فى واحد بيفكر ازاى يوصل مساعدات لـ الناس فى اسكندريه اللى مش قادره ياعينى تعالج اولادها اللى اتصابوا فى لحظه غدر

كان فى واحد تانى بيفكر ازاى يعمل كليب يتعرض على القونات وينزل مع دعايا ويكون من انتاجه علشان العائد المادى يبقى ليه

فى عز ما كان فى واحد بيتألم من جواه على اللى بيحصل فى بلده وقافل على نفسه بيته لمده 3 ايام مكتئب مابيخرجش

كان فى واحد تانى بيطلع فى البرامج ويقول انا عملت وانا سويت وانا جمعت فنانين العالم العربى فى كليب وانا وانا وانا

بس ارجع واقولكوا تامر ماعملش حاجه فظيعه يعنى اه صدقونى دة واجب تامر ناحيه بلده واهله مش حاجه تتحسبله يعنى اوى

ديه بلده واللى ماتوا دول اخواته واهله واللى اتصابوا امه وابوه واخوه واخته وبنته الصغيره يعنى واجبه انه يفكر فيهم

لكن لما يبقى فى بلد عربيه بيموت فيها ناس كل يوم بسبب انهم مش قادرين يعيشوا وشبابها خريجين جامعات مش لاقيين شغل وتامر يفكر فيهم يبقى لا

ستوب بقى ياعم انت وهو هنا ونريح شويه عند الحته ديه علشان ديه هيطول فيها الكلام اوى اوى اوى

اقتباس:
يا تامر انت فى ايه ولا فى ايه انا عايز اعرف

انت مالك بـ تونس بس ما تخليك فى بلدك ياعم وتشوف اللى بيحصل فيها

ديه وبصراحه كانت كلمتى اول ما عرفت امبارح بليل ان تامر بيسجل اغنيه لـ تونس وانا بعتذر عن التفكير الغبى ده

احنا مش مصريين بس لا دة احنا عرب

دوله واحده وامه واحده وايد واحده اسمها امه العرب المتحده

فى عز مانا تفكيرى كان انا مالى بـ تونس كان تفكير تامر بلدى تونس فى خطر عايز اقف جنبها فـ هعملها اغنيه واحاول اعرفها ان احنا جنبها

تامر فى الاغنيه ديه اتكلم بـ لسان كل مصرى من اول الريس لحد اصغر واحد فى البلد

اتكلم بأسمى وبأسمك انت ياللى قاعد بتقرا كلامى دلوقتى

وبأسم اختك اللى جنبك وبأسم والدك اللى قاعد بيتفرج على التى فى وبيقول الله ياشعب تونس يا عظيم وبأسم والدتك اللى قامت وقالت الله واكبر وصلت ركعتين لله

على ان فى اخيرا بلد ع ربيه نطقت وقالت لا واتكلم بـ لسان كل واحد اترحم على شهيد من شهداء تونس

طلع وقال يا شعب تونس احنا معاكوا بـ قلوبنا وعقولنا ودمنا وحياتنا كلها فدا اصغر طفل من اطفال تونس الخضرا

عمل اغنيه فى 12 ساعه كان التلحين والكلمات والتوزيع والميكساج والعزف وكل حاجه جاهزه وتامر دخل سجلها وبعتها على طول علشان الكل يسمعها

تامر ماقلش انا مالى بـ بلد تانيه ولا اكتفى انه دخل قال بحبكوا والله بحبكوا وكلنا معاكوا يا اهل تونس وخلاص

فين بقى بقيه النجوم الكبااااار اوى اللى واجعين دماغنا ليل ونهار تامر سرق منى مش عارف ايه تامر بيقلدنى فى مش عارف ايه

فين دول؟

فين حماقى ورامى وعمرو مصطفى؟

فين منير ودياب وفؤاد؟

فين هانى وحسام و عياش؟

وغيرهم وغيرهم وغيرهم

مابيعرفوش البلاد العربيه غير لما يكون فى حفله ليهم هناك

لكن غير كدة للاسف لا

بجد يا تامر انا ليا الشرف انى من الفانز بتوعك ومن محبيك كل يوم بترفع راسى انا وكل واحد بيحبك وكل واحد مصرى وعربى قدام كل العالم

بتشرف وبقولها بكل فخر انى بحبك وبحترمك وبحترم فنك ومواهبك

بتشرف انى اقول انى مصرى البلد اللى جابت زويل وام كلثوم وعبد الحليم وتامر حسنى

بتشرف انى اقول انى فى يوم انا وقفت قدام تامر وجه لـ وجه ولو حته لمده ثانيه

هو دةاحساسى واحساس ملايين من فانز تامر

انت بقى احساسك ايه؟

اه نسيت اقولكوا على حاجه

اللى بيتكلموا كدة دول

اقتباس:
بيقولك قال ايه تامر حسنى نزل اغنيه اسمها ايد واحده قال ايه علشان حادث اسكندريه ياعم عاملى فيها وطنى سعادته
لا والجديد بقى ياعم الباش مهندس النهارده لسه منزل اغنيه علشان اللى حصل فى تونس ماله هو ومال تونس واسكندريه ما يخليه فى نفسه بقى شويه
ياعم هو مطرب سيس اساسا انا مش بطيقه ياجدع وربنا وعاملى فيها حامى حما الديار وهو ولا فاهم حاجه وربنا
ياعم كبر اى كلام فى دماغ علام دة هربان من الجيش يابا المفروض بقى يتكسف على دمه ومايعملناش فيها وطنى

دول اتنين بس هما هما بيتنقلوا فى كل حته علشان يحاولوا يبينوا انهم كتار ويظهروا نفسهم بس مش اكتر لكن هما فى الحقيقه اتنين بس

لكن فى ملايين الملايين فى الوطن العربى وفى العالم كله بتتكلم كدة

اقتباس:
بجد انا مش عارف تامر دة بيجيب الطاقه يعمل الحاجات ديه كلها منين شوفت يابنى اغنيه لـ مصر واغنيه لـ تونس بجد انسان خرافه

يابنى ماهو اللى بيرمى اتكاله على ربنا دايما تلاقيه كدة تحس انه قوه خارقه مع انه فى الحقيقه كل اللى عامله رامى اتكاله على ربنا

فعلا عندك حق والله تامر دة مفيش زيه

يابنى ديه حاجه طبيعيه ماهو مش اسطوره القرن ولا ملك الجيل ولا صوت القدس من شويه يعنى