الحقـــيقة الكــاملة لكلــيب تــامر فى ميدان

السلام عليكم ورحمة الله وبركاتة
ازايكو يا شباب عاملين اية
يارب دايما خير وتفاؤل وامل فى مصرنا الجديدة

عامل الموضوع دة علشان اوضح حاجات كتير اوى
ناس كتير مش فاهمة قصة الكليب اللى تامر ظهر وهو منهار فية فى ميدان التحرير
ناس بتسال اية اللى ودا تامر هناك ...ولية تامر كان فى الحالة دى ...وعابوا على تامر ظهورة فى الوقت دة
اسمحولى انا ارد عليكو ومن ضمن كلامى فى شاهد عيان كان فى الميدان هاضيف كلامة هنا
دة شاف وسمع احسن منى ومنك
اولا تامر كان برة مصر فى بداية الأحداث دى ..وبمجرد رجوعة من هولندا ماتاخرش ثانية
ومابصش للشرط الجزائى او اى حاجة تامر ممكن يخسرها
كان كل تفكيرة وقتها فى بلدة مصر وثورة الشباب وبس
كان ممكن مايرجعش مصر فى الظروف دى ويبقى لة الف عذر ..كان ممكن يروح الميدان بالنهار والكاميرات تبقى شغالة ويبقى الموضوع شوو مش طالع من القلب
كان ممكن حاجات كتير اوى تصدر منة ..بس علشان هو محترم وفنان بجد كل دة ماحصلش
تامر راح علشان يناصر شباب الثورة المحترمين المناضلين اللى فى منهم شهداء دمهم فى رقبة كل ظالم
تامر راح حوالى الساعة 2 بليل لوحدة وكان هناك من الفنانين اللى شافوة المخرج دياب
وهو شاهد بردو على كل كلمة هاقولها لانة كان موجود
خلينى انا اقولوكو موقف تامر اللى كتير منكم مش فاهمينة وفى لغط كبير علية
هاقولكو باسلوبى بطريقتى انا لأنى عارف تامر كويس
تامر مصرى اصيل طبعا مع الثورة لان كان فى فساد وحاجات كتير فى البلد مش مظبوطة
بس تامر محترم وعارف يعنى اية رئيس جمهورية انسان يستحق الاحترام والتقدير
بصرف النظر عن اى حاجة تانية
يعنى انا مناصر للثورة وعايز اشارككو واكون معاكو واحد بيخاف على بلدة وبيحبها
وفى نفس الوقت باحترم وبابجل أب مصرى كان شايل هم 80 مليون مصرى
احنا الأتنين عايزين مصر احسن .هدفنا واحد .بس كل واحد فينا لة مبدأة
ودة مش معناة ابدا انة يتم الأعتداء على تامر ويحصل اللى حصل دة
دة كان غلط كبير حصل ..وزى الاعتداء على الشيخ خالد الجندى ومهاجمة عمرو اديب واحمد حلمى والسقا
كل دة مش صح ..كل دة مش مظبوط
والدليل كتابة وائل غنيم على تويتر ان اللى حصل مع تامر حسنى دة اكبر غلط
المهم خلونا فى موضوعنا
تامر راح الميدان علشان الناس اللى قالت فين تامر حسنى..فين عمرو دياب ..
فين فنانين مصر فى الموقف دة
لازم تامر يظهر فى الظروف دى ..علشان مايتقالش انة هرب وساب البلد
علشان مايتقالش انة مش حاسس بالشعب
علشان مايتقالش انة مش واحد مننا
وطبعا تامر لبى النداء ومعروف ان اى مصرى مابيتاخرش فى اى حاجة لمصلحة مصر
اللى حصل ان تامر وصل ميدان التحرير وكان دياب موجود وقتها وشاف تامر
ووصل للستيدج علشان يكلم الشباب .يحمسهم ويفكرهم بمصر بلدنا ومستقبلنا واننا عايزينها احسن
بس حصل تدافع غير طبيعى ومش منظم على المسرح ..ناس حاولت تهاجم تامر وناس بتدافع عنة
وكان نتيجتة ان المسرح وقع بتامر وساعتها من ضمن الناس اللى كانوا بيحموا تامر
شاب مصرى زيينا حضن تامر والمسرح اتهد وهو تامر وقعوا
وبعد كدة تامر عرف ان الشاب دة مات ...مات علشان كان بيدافع عن تامر وخايف علية
تتخيلوا حالة تامر النفسية المفروض تبقى ازاى ساعتها ..تتخيلوا المفروض الموقف يبقى عامل ازاى
الكليب اللى شفناة كل اللى حوالين تامر دول دكاترة ..تامر كان فعلا منهار بس مش علشان خايف على نفسة
تامر لو كان خايف على نفسة مكانش راح ميدان التحرير من الأصل فى الوقت دة ولوحدة
تامر كان خايف على الشاب اللى سمع انة مات علشان بيدافع عنة
والدكاترة اللى حوالية فى الكليب كانوا بيطمنوة وبيهدوة
والحمد لله اتعملة الأسعافات الازمة ومامتش وانا بحاول اوصلة كمان علشان كلنا نكلمة ونشكرة
شاب مصرى شجاع بيحب تامر كان فعلا ممكن يموت وهو بيحمية
وتامر فى الكليب قال انا ماكنتش عارف ..هما اللى قالولى
الناس اللى كانوا هناك قالوا لتامر ان الشاب مات
ودة سبب انهيارة وحزنة الشديد اللى بان فى الكليب
انة مش عارف اية مصير الشاب دة وان اللى حوالية هما اللى قالولة انة مات
بس الحمد لله بعد كدة اتطمن علية وعرف انة اتصاب بكدمات واتعملة الأسعافات الازمة وبقى كويس
وكمان كل اللى حوالين تامر هما اللى طلبوا منة يروح الميدان
هما اللى قالولى تعالى ..هما اللى طلبوا منى اشارك
ودة فعلا ..مفيش حد قريب او بعيد من تامر غير وكان عايز يعرف موقفة
تامر لة دور كبير وتاثير على الشباب ماحدش يقدر ينكرة
علشان كلنا كنا عايزين نعرف موقفة ودورة ومشاركتة فى الثورة المصرية
ماينفعش الدنيا كلها تبقى فى وادى وتامر فى وادى
كان لازم تامر يكون موجود بحسة الوطنى ..تامر فنان مصرى قبل اى حاجة تانية
كان نفسى كلنا ساعتها نكون مع تامر
ميدان التحرير فى الوقت دة كان هو قلب مصر
وقلب الشباب كان لازم ساعتها يكون فى قلب مصر
وعلشان كدة تامر راح .ومن غير اى تجهيزات ولا اى ترتيب
بس احنا شفنا الكليب مقصوص و طبعا اتخضينا على تامر لما شفناة منهار
وفى ناس بتصطاد فى المية العكرة لازم نرد عليهم ونقول الحقيقة دى على الفيس بوك
وكل المواقع والبرامج اللى تناولت قصة الكليب دة
وخلونا نكتب الصيغة دى فى كل مكان وعلى ال Status بتاعتنا على الفيس بوك

"توضيح لكل اللى شاف ونشر كليب تامر حسنى بعد الأعتداء علية فى ميدان التحرير
بعد مشاهدة كليب تامر حسنى وهو فى حالة انهيار فى موقعة ميدان التحرير الشهيرة
هذة رسالة من شاهد عيان كان فى الميدان وقت وصول تامر
بعد وصول تامر للستيدج علشان يكلم شباب ثورة 25 يناير
حصل تدافع غير طبيعى من البشر على المسرح من محبى تامر ومؤيدية وايضا من المعارضين لتامر حسنى
وقام شاب من الحضور باحتضان تامر لحمايتة وبعدها سقط المسرح ووصل لمسامع تامر ان هذا الشاب قد توفى
وظهر تامر فى الكليب وسط مجموعة من الدكاترة الذين يحاولون طمأنتة على هذا الشاب
وكان تامر فعلا فى حالة انهيار بسبب خوفة على هذا الشاب ووفاتة
والحمد لله تم عمل الأسعافات الأولية لة وهو بخير
لأن الكليب لم يكن كاملا ..فالحقيقة لم توصل للكل "

وانا واثق ياجماعة ان تامر عمرة ما كان هيرجع تانى كويس الا ان ربنا قوم الشاب دة بالسلامة
والحمد لله تامر معنوياتة مرتفعة جدا ....ولسا على موقفة وتأييدة لثورة التخلص من الفساد والظلم زى كل المصريين ..وماننساش ابدا احترامنا لبعض

حمد الله على سلامتك يا تامر ....جمهورك وصلة الحقيقة كاملة وكل واحد فينا هينشرها فى كل مكان

» الفنان تامرحسني ذهب ميدان التحرير بمفرده وبمنتهي الشجاعه الأدبيه
» فيديو : رد على ما حدث مع تامر حسني فى ميدان التحرير
» تامر حسنى يصور "عمر و سلمى3" فى ميدان لبنان
» جمهور تامر حسني يقف بجانبه .. واعتذارات من ميدان
» تعليق برنامج " صبايا" على ماحدث مع تامر فى ميدان التحرير