jessica jaber
Posts : 10
Join date : 2009-09-14
 |  Subject: كريم لم يسرب اغنية تامر الجديدة ______ من رومير مسج للكل  Sun Oct 11, 2009 2:10 pm | |
| مش قادر اوصفلكو انا مبسوط اد اية انى معاكو
انتو حاجة كبيرة اوى عندنا ياجماعة
صدقونى فى كتير منكو احنا عارفينهم بالأسم
وهما بيتاكدوا من دة لما بيقابلونا ويعرفونا بنفسهم
تامر وتيم تامر ورابطة تامر بيكملوا بعض فى كل حاجة
حببتونا فيكو ودايما بتبهرونا بكل حاجة بتعملوها
بنحس دايما الرابطة موقع منظم اوى فى كل حاجة
كل حاجة لتامر على الموقع دة
اخبار تامر والداتا وكل حاجة الناس بتحتاجها
فعلا انتو صورة جميلة اوى لموقع ورابطة محترمة بتحب تامر وبتدافع عنة
بس فى حاجة حصلت ياجماعة غلط ولازم نوضحها
فى اشاعة طلعت ان كريم محسن هو اللى سرب اغنية مصريين بجد
اللى تامر غناها بمناسبة 6 اكتوبر
الكلام دة مش صحيح وماحصلش خالص
فى كلام اتقال على كريم بسبب الأشاعة دى ماينفعش يتقال علية
كريم دة حد محترم اوى وطيب وحاجة زى دى مايعملهاش واصلا الأغنية مكنتش معاة
كريم مش هيعمل اى حاجة تضر تامر
كلام كتير اتقال بعد الأشاعة دى على كريم وكلة وصلة وكريم عرفة وطبعا اتضايق وزعل
اقسم بالله الأغنية اصلا ماتسربتش , الأغنية احنا نزلنها فى نجوم اف ام , يبقى ازاى اتسربت
ياجماعة ياريت بلاش تصدقوا اى حاجة تتقال غير مننا احنا او من ادارة السايت
كل عضو هنا بيعبر عن راية وبس , مش اى حاجة يقولها مصدقة
كريم اتظلم , واتظلم هنا فى الرابطة , فى بيتكو يا اخوات تامر
عارفين مين كريم دة , كريم دة حلم كل واحد فيكو موهوب و ناقصة بس الفرصة
ودة اللى تامر عملة مع كريم , ادالة فرصتة وخد بايدة وساعدة
اول تجربة ولو نجحت هيبقى الدور عليكو انتو بعد كدة
حد فيكو يحب يكون مكان كريم فى الموقف اللى هو فية دة دلوقتى ؟ ماظنش
ياريت كل واحد بعت رسالة فيها كلام يضايق او حاجات مايصحش تتقال
يبعت بردو رسايل ويكلم كريم ويتاسف انة غلط فى حقة ويوضحلة انة كان فاهم غلط
مش عايزين حد يوقع ما بيننا , مش عايزين ناكل فى بعض
كريم محسن هو كل واحد بيحب تامر ونفسة تامر يساعدة
وتامر ابتدا المشوار مع كريم وهيكملوا معاكو , بلاش نقتل فرحة تامر ونموت فرحة كريم
وفرحتنا بالأغنية تضيع
انا خلاص هاعتبر دى اشاعة وماتت , وغلطة وهتتصلح
تامر مستنى رايكو فى اغنية اكتوبر ولحد دلوقتى لسا ماوصلوش
وكلنا عايزين نعرف راى ملايكة تامر فيها
واستنوا مفاجات كتير من تامر ليكو انتو اول ناس هتعرفوها
Romer | |
|
ღ TaMeR LoVeRs & DeFeNdErS ღ 
